Reform.news

У Мінску датэрмінова закрылі анімалістычную выставу «Zooart II. Мастацтва на лапах»

Reform.news · 21 лістапада 2026, 16:30

https://reform.news/be/u-minsku-daterminova-zakryli-animalistychnuyu-vystavu-zooart-ii-mastacztva-na-lapah/

У Мінску раней за запланаваны тэрмін спыніла працу анімалістычная выстава «Zooart II. Мастацтва на лапах», якая праходзіла ў Мастацкай галерэі Міхаіла Савіцкага. На афішных сэрвісах картка падзеі атрымала пазнаку «Адмена».

Праект адкрыўся 4 лістапада і першапачаткова павінен быў працаваць да 29 лістапада. Але выставу закрылі ўжо 12 лістапада – яна прапрацавала крыху больш за тыдзень.

Скрыншот з сайта Relax.by.

Афіцыйныя прычыны датэрміновага спынення экспазіцыі не паведамляюцца. Разам з тым у культурных колах звяртаюць увагу на тое, што сярод экспанентаў па папярэдніх спісах апынулася шмат мастакоў, якіх раней не дапускалі да ўдзелу ў выставачных праектах. Не выключана, што кіраўніцтва Музея гісторыі горада Мінска, у склад якога ўваходзіць галерэя Міхаіла Савіцкага, вырашыла перастрахавацца.

У сацсетках установы з’явілася пазнака, што праект спынены па тэхнічных прычынах, а ў сеціве з’явіліся афішы з новай датай заканчэння — 12 лістапада.

Экспазіцыю падрыхтавалі секцыі скульптуры, дэкаратыўна-прыкладнога мастацтва і графікі Беларускага саюза мастакоў — агулам у ёй было прадстаўлена каля 160 работ. «Zooart II» стаў працягам анімалістычнага праекта беларускіх мастакоў, дзе аўтары праз розныя матэрыялы і тэхнікі даследуюць вобразы жывёл і ўзаемаадносіны чалавека з прыродай.

Падпісвайцеся на культурныя навіны Reform.news у Telegram

Рэклама

Пакінуць адказ