«Флагшток»: раніцай над Гомелем мог праляцець ударны дрон
Рэдакцыя Reform.news · 21 лістапада 2026, 12:54
https://reform.news/be/flagshtok-ranicaj-nad-gomelem-mog-praljacec-udarny-dron/Жыхары Навабеліцкага раёна Гомеля раніцай 21 лістапада пачулі гучны гук, падобны на працу рухавіка беспілотніка. Меркавана, над паўднёвымі ўскраінамі горада праляцеў ударны дрон-камікадзэ, піша «Флагшток».
Паводле інфармацыі рэсурсу, пралёт невядомага аб’екта назіраўся прыкладна з 06:05 да 06:25 раніцы. Мясцовыя жыхары расказалі пра пранізлівы роў бензінавага рухавіка “як у мапеда”.
«Флагшток» мяркуе, што гэта мог быць ударны беспілотнік, які збіўся з маршруту.
Траекторыя руху меркаванага дрона невядомая.
