Спецпасланнік прэзідэнта ЗША Джон Коўл спадзяецца на вызваленне большай колькасці беларускіх палітвязняў «у самай найбліжэйшай будучыні».
«Сёння на свабодзе 25 зняволеных! Прыхільнасць прэзідэнта Трампа прамой дыпламатыі прыносіць вынікі. Дзякуй прэзідэнту Лукашэнку за гэты крок, а таксама нашым сябрам у Літве за іх падтрымку. Мы працягнем паляпшаць адносіны паміж ЗША і Беларуссю і працуем над тым, каб у самы найбліжэйшы час дамагчыся вызвалення яшчэ большай колькасці людзей. Мы яшчэ не скончылі!» — напісаў ён у сацсетцы X.
Па выніках перамоў Аляксандра Лукашэнкі і спецпасланніка прэзідэнта ЗША Джона Коўла беларускія ўлады вызвалілі 25 чалавек у абмен на зняцце санкцый з «Лакафарбы» і «Беллеспаперапрама». Вызваленых вывезлі ў Літву. Таксама Коўл заявіў, што вызваленне палітвязняў і зняцце санкцый працягнуцца.
