Іранскае агенцтва апублікавала мемарандум з ЗША

Іранскае агенцтва Mehrnew апублікавала змест мемарандума аб узаемаразуменні паміж Іранам і ЗША, які можа быць падпісаны ў найбліжэйшы час.

Тэкст публікуецца са спасылкай на крыніцу, блізкую да іранскай перамоўнай каманды. Мемарандум уключае 14 пунктаў:

1. Поўнае і неадкладнае спыненне вайны на ўсіх франтах, уключаючы Ліван.
2. Прыхільнасць Амерыкі прынцыпу неўмяшання ва ўнутраныя справы Ірана і павазе суверэнітэту краіны.
3. Поўнае зняцце марской блакады на працягу 30 дзён.
4. Прыхільнасць Амерыкі вываду сваіх войскаў з тэрыторый паблізу Ірана.
5. Аднаўленне працы Армузскага праліва на працягу 30 дзён з улікам дамоўленасцяў з Іранам.
6. Прыпыненне санкцый на продаж нафты, нафтахімічнай прадукцыі і яе вытворных, а таксама поўны доступ Ірана да яго фінансавых рэсурсаў.
7. Неабходнасць таго, каб Злучаныя Штаты і іх саюзнікі прадставілі планы аднаўлення Ірана на суму не менш за 300 млрд долараў.
8. 60 дзён перамоў для дасягнення канчатковага пагаднення па ядзерных пытаннях і поўнай адмене асноўных, другасных і амерыканскіх санкцый, а таксама рэзалюцый Савета Бяспекі ААН і Савета кіраўнікоў МАГАТЭ.
9. Пацвярджэнне прыхільнасці Ірана Дагавору аб нераспаўсюджанні ядзернай зброі (ДНЯЗ) не вырабляць ядзерную зброю.
10. Падчас перамоў Злучаныя Штаты абавязваюцца не павялічваць колькасць сваіх войскаў у рэгіёне і не ўводзіць новыя санкцыі.
11. Разблакаванне 24 млрд долараў заблакаваных іранскіх сродкаў на працягу 60-дзённага перыяду заключных перамоў. Палова гэтай сумы павінна быць прадастаўлена Ірану да пачатку перамоў.
12. Стварэнне механізму маніторынгу для выканання пагаднення.
13. Канчатковае пагадненне будзе зацверджана рэзалюцыяй Савета Бяспекі ААН.
14. Заключныя перамовы не пачнуцца да таго часу, пакуль не будзе размарожана палова іранскіх сродкаў, прыпынены нафтавыя санкцыі супраць Ірана і знята марская блакада. Канчатковае пагадненне будзе дасягнута выключна па пытанні лёсу ўзбагачанага ўрану і самога ўзбагачэння, зняцця санкцый і праграмы эканамічнага аднаўлення Ірана. Абмеркаванні іранскай ракетнай праграмы і падтрымкі груп супраціву канчаткова выключаны з парадку дня.

Крыніца агенцтва сцвярджае, што тэкст яшчэ павінен быць разгледжаны і дапрацаваны ў дзяржаўных органах Ірана.