Фото: пресс-служба президента
Амерыканскі прапаведнік Франклін Грэм, кіраўнік Евангелісцкай асацыяцыі Білі Грэма, паабяцаў памаліцца за Аляксандра Лукашэнку.
Як перадае прэс-служба Лукашэнкі, падчас сустрэчы з ім Грэм адзначыў, што прынята ўзносіць малітвы за лідараў краін. Таму ён паабяцаў, што памоліцца за яго.
“Таму заўтра я папрашу ўсіх прысутных устаць і ўзнесці малітву за вас як лідара”, — сказаў ён.
Грэм прыехаў у Беларусь на буйны пратэстанцкі фестываль. Трэба адзначыць, што раней ён прамаўляў малітву на інаўгурацыі прэзідэнта ЗША Дональда Трампа.
Прапаведнік таксама адзначыў падчас сустрэчы, што ён прыехаў у Мінск з пасланнем.
“Вялікі дзякуй. Для мяне вялікі гонар сустрэцца сёння з вамі. Мы прыехалі, каб данесці наша пасланне ўсім беларусам, і гэта пасланне ад Госпада Бога. Неважна, да якой веры мы належым — пратэстанцкай, праваслаўнай, каталіцкай, — мы ўсе тут роўныя. І мы ўсе згодныя з гэтымі падыходамі”, — сказаў ён.
Лукашэнка падчас сённяшняй сустрэчы таксама папрасіў Грэма перадаць Трампу самыя добрыя пажаданні.