Фото: t.me/customs_bel
На пункце пропуску «Грыгароўшчына» віцебскія мытнікі выявілі псіхатропныя рэчывы ў грамадзяніна Латвіі, які прыбыў пасажырам легкавога аўтамабіля.
На наяўнасць забароненых рэчываў указаў службовы сабака. Пры аглядзе асабістых рэчаў мужчыны з бірулькі-тубуса і баначкі з этыкеткай «Мультывітаміны» былі выняты таблеткі жоўтага і фіялетавага колераў. Паводле заключэння эксперта ўпраўлення ДКСЭ па Віцебскай вобласці, таблеткі ўтрымліваюць псіхатропныя рэчывы — трамадол і алпразолам.
У дачыненні да затрыманага ўзбуджана крымінальная справа па ч. 1 арт. 328-1 КК. Яму пагражае да сямі гадоў пазбаўлення волі.