Грамадзяне Беларусі з аўтобуса, па якім ударыў дрон у Бранскай вобласці, перавезеныя ў Гомельскую вобласць, паведаміў в. а. губернатара Бранскай вобласці Ягор Кавальчук.
Кавальчук назваў атаку «наўмысным украінскім ударам па грамадзянскіх асобах». Паводле яго слоў, турыстычны аўтобус быў атакаваны БПЛА самалётнага тыпу.
Два вадзіцелі атрымалі аскепкавыя раненні. Ім была аказана медыцынская дапамога.
З пасажырамі ў пункце часовага размяшчэння працавалі псіхолагі. Ім было забяспечана гарачае харчаванне.
Грамадзян Беларусі перавезлі ў Гомельскую вобласць. Шэсць грамадзян Расіі застаюцца ў пункце часовага размяшчэння.
Нагадаем, днём 2 ліпеня дрон ударыў па пасажырскім аўтобусе «Мінск — Анапа» ў Злынкаўскім раёне Бранскай вобласці. Беларускія дзяржаўныя СМІ паведамлялі пра 19 пасажыраў у аўтобусе.