Иван Тертель. Скриншот видео
30 снежня Аляксандр Лукашэнка уручыў дзяржаўныя ўзнагароды і падзякі 48 прадстаўнікам розных сфер дзейнасці, паведамляе яго прэс-служба.
Ордэны, медалі і ганаровыя званні прысвоены 38 работнікам розных прадпрыемстваў, арганізацый і структур.
Экс-старшыня Вярхоўнага суда Валянцін Сукала ўзнагароджаны ордэнам Айчыны II ступені, былы старшыня Канстытуцыйнага суда Пётр Міклашэвіч — ордэнам Айчыны III ступені.
Першы намеснік старшыні НДТРК Сяргей Гусачэнка і дырэктар Нацыянальнага філіяла тэлерадыёкампаніі «Мір» у Беларусі Вольга Шпілеўская атрымалі медалі Францыска Скарыны.
Кіраўнік КДБ Іван Церцель удастоены ганаровага звання «Заслужаны супрацоўнік органаў дзяржаўнай бяспекі».