Бюджэт пражытачнага мінімуму і прывязаныя да яго выплаты вырастуць з 1 жніўня

Міністэрства працы і сацыяльнай абароны абвясціла пра павелічэнне бюджэту пражытачнага мінімуму з 1 жніўня.

Бюджэт пражытачнага мінімуму павялічваецца на 4,1%, або на 20,75 рубля, да 530,37 рубля. Такі памер нарматыву будзе дзейнічаць з 1 жніўня па 31 кастрычніка.

БПМ для асобных катэгорый насельніцтва складзе:

• для працаздольнага насельніцтва – 574,38 рубля (+19,98 рубля),
• для пенсіянераў – 380,86 рубля (+14,27 рубля),
• для дзяцей да 3 гадоў – 326,56 рубля (+12,46 рубля),
• для дзяцей ад 3 да 6 гадоў – 437,78 рубля (+15,12 рубля),
• для дзяцей ад 6 да 18 гадоў – 519,24 рубля (+21,65 рубля).

Адпаведна, з павышэннем БПМ вырастуць прывязаныя да яго сацыяльныя выплаты, напрыклад, дзіцячыя дапамогі, даплаты да пенсій.

Дапамога ў сувязі з нараджэннем дзіцяці (аднаразовая) складзе:

• пры нараджэнні першага дзіцяці – 10 БПМ, або 5 303,7 рубля;
• пры нараджэнні другога і наступных дзяцей – 14 БПМ, або 7 425,18 рубля.

Дапамога жанчынам, якія сталі на ўлік у арганізацыях аховы здароўя да 12-тыднёвага тэрміну цяжарнасці (аднаразовая), – 100% БПМ, або 530,37 рубля.

Дапамога сем’ям на дзяцей ва ўзросце ад 3 да 18 гадоў у перыяд выхавання дзіцяці ва ўзросце да 3 гадоў (штомесячная) – 50% БПМ, або 265,19 рубля.

Дапамога на дзяцей старэйшых за 3 гады з асобных катэгорый сем’яў, прадугледжаных заканадаўствам (штомесячная):

• на дзяцей старэйшых за 3 гады, якія выхоўваюцца ў такіх сем’ях (акрамя дзіцяці-інваліда) – 50% БПМ, або 265,19 рубля.
• на дзіця-інваліда старэйшае за 3 гады – 70% БПМ, або 371,26 рубля.

Дапамога па доглядзе дзіцяці-інваліда ва ўзросце да 18 гадоў (штомесячная):

• з I і II ступенню страты здароўя да спаўнення дзіцяці 18 гадоў і з III і IV ступенню страты здароўя да спаўнення дзіцяці 3 гадоў – 100% БПМ, або 530,37 рубля.
• з III і IV ступенню страты здароўя пасля спаўнення дзіцяці 3 гадоў – 120% БПМ, або 636,44 рубля.

Дапамога на дзяцей ва ўзросце да 18 гадоў, інфіцыраваных вірусам імунадэфіцыту чалавека (штомесячная), – 70% БПМ, або 371,26 рубля.

Памер узроставых выплат пенсіянерам складзе:

• 75-79 гадоў – 99,44 рубля, а пры наяўнасці інваліднасці I групы – 232,03 рубля;
• 80 гадоў і старэйшыя (з улікам надбаўкі на догляд) – 198,89 рубля, а пры наяўнасці інваліднасці I групы – 265,18 рубля