Фото: Reform.by
«Беларусбанк» апублікаваў праспект эмісіі аблігацый 253-га выпуску.
Яго аб’ём складае 200 млн рублёў. Усяго выпускаецца 200 тыс. аблігацый наміналам 1000 рублёў. Яны адрасаваныя юрыдычным асобам, як рэзідэнтам, так і нерэзідэнтам.
Аблігацыі размяшчаюцца з 1 чэрвеня. Тэрмін абарачэння — 3665 дзён. Іх павінны пагасіць 13 чэрвеня 2036 года.
Па аблігацыях устаноўлены пастаянны працэнтны даход у памеры 0,1% гадавых.
Цікава, што каштоўныя паперы плануецца размяшчаць шляхам адкрытага продажу. Нядаўна «Белаграпрамбанк» выпусціў аблігацыі з падобнымі параметрамі: тэрмінам абарачэння 15 гадоў і стаўкай 0,1% гадавых. Аднак гэтыя каштоўныя паперы размяшчаюцца шляхам закрытага продажу сярод Галоўнага фінансавага ўпраўлення Брэсцкага аблвыканкама і фінансавых аддзелаў раёнаў вобласці.