Скриншот видео
Беларусь і РФ стварылі рабочую групу па ўкараненні сістэмы пацвярджэння чакання пастаўкі тавараў (СПОТ). Пра гэта ў інтэрв’ю беларускаму тэлебачанню заявіў пасол Беларусі ў Расіі Юрый Селіверстаў.
“Сёння, калі мы вырабляем сваю прадукцыю, у нас ужо склаліся механізмы аплаты, пастаўкі, лагістыкі. Мы разумеем, што ў нас няма як такой мяжы. І цяпер нам неабходна, каб увядзенне гэтай сістэмы, якая ўводзіцца з добрых намераў абароны айчынных вытворцаў, не стала дадатковым бар’ерам, які запатрабуе праверкі тавару на мяжы, дадатковых рэсурсаў, каб усё гэта выконваць. (Не стала. – заўв.) перашкодай, чаго баяцца нашы вытворцы, пакупкі беларускага тавару з прычыны ўсёй чаргі ўзгаднення яго ўвозу”, – сказаў ён.
СПОТ павінна пачаць працаваць у Расіі з 1 чэрвеня 2026 года. Імпарцёры павінны будуць папярэдне паведамляць падатковыя органы пра маючы адбыцца ўвоз тавараў з краін ЕАЭС. Пасля ўводу звестак у электронную сістэму будзе выдавацца “прапуск”, які павінны будуць прад’яўляць кантрольным групам кіроўцы транспартных сродкаў. Калі звесткі будуць разыходзіцца, то аўтамабіль змогуць накіраваць на дадатковы агляд. Пасля атрымання тавару імпарцёры павінны будуць закрыць пастаўку ў электроннай сістэме. СПОТ заклікана прадухіліць маніпуляцыі з ПДВ і іншымі падаткамі, але ўскладняе пастаўкі з Беларусі ў РФ.
“З Расійскай Федэрацыяй дасягнута дамоўленасць аб тым, што створана рабочая група з прадстаўнікоў беларускага боку, Міністэрства па падатках і зборах, Міністэрства фінансаў расійскага боку. Намечаны шэраг дзеянняў, план. Іх неабходна выконваць. Каб гэтая сістэма арганічна ў нашу сістэму кантролю і прасочвальнасці ўвайшла. І мы ад гэтага атрымалі толькі карысць. Тэхнічна, канешне, трэба ўсё адпрацаваць, зрабіць, каб гэта працавала так, як задумваецца, а не стала чарговым бар’ерам”, – дадаў міністр.