Беларусь і Расія абмеркавалі падрыхтоўку кадраў для атамнай энергетыкі

Рэдакцыя Reform.news · 13 сакавіка 2026, 10:54

https://reform.news/be/belarus-i-rasija-abmerkavali-padryhto-ku-kadra-dlja-atamnaj-jenergetyki/

Беларуская дэлегацыя ў складзе прадстаўнікоў Міністэрства энергетыкі і БелАЭС наведала Тэхнічную акадэмію «Расатама», дзе абмеркавала падыходы да падрыхтоўкі спецыялістаў для атамнай галіны. Мерапрыемства прайшло пры падтрымцы МАГАТЭ.

Беларускім спецыялістам прадставілі расійскі досвед развіцця ядзернай інфраструктуры і ўмацавання кадравага патэнцыялу. Пры садзейнічанні акадэміі для БелАЭС падрыхтавана каля 800 спецыялістаў эксплуатацыйнага персаналу. Бакі таксама абмеркавалі развіццё сістэмы кіравання ядзернымі ведамі і ўзаемадзеянне з МАГАТЭ па пытаннях падрыхтоўкі кадраў.

«Місіі прадэманстравалі адпаведнасць праекта па будаўніцтве Беларускай АЭС міжнародным патрабаванням бяспекі і гатоўнасць персаналу да яе эксплуатацыі. Сёння Беларуская АЭС — добры прыклад для краін-навічкоў у ядзернай энергетыцы», — заявіў дырэктар па міжнародным супрацоўніцтве Тэхнічнай акадэміі «Расатама» Віктар Мазепаў.

У рамках візіту беларуская дэлегацыя таксама наведае Ленінградскую АЭС.