У суд накіравана справа аб буйным хабары ў энергасістэме Беларусі

Рэдакцыя Reform.news · 15 красавіка 2026, 11:30

https://reform.news/be/u-sud-nakiravana-sprava-ab-bujnym-habary-jenergasistjeme-belarusi/

Генпракуратура накіравала ў суд крымінальную справу аб буйным хабары ў беларускай энергасістэме.

Абвінавачанні прад’яўлены першаму намесніку гендырэктара буйнога прадпрыемства, а таксама кіраўніку прыватнай кампаніі і яго намесніку.

“Згодна з матэрыяламі справы, топ-менеджар прадпрыемства энергасістэмы ў верасні 2025 года атрымаў хабар у суме 134 тыс. рублёў за забеспячэнне выбару канкрэтнай прыватнай арганізацыі пастаўшчыком тавару – блочнай камплектнай трансфарматарнай падстанцыі ў бетоннай абалонцы коштам каля 1,2 млн рублёў, а таксама заключэнне дагавора на пастаўку такой падстанцыі для аб’екта будаўніцтва”, – гаворыцца ў паведамленні пракуратуры.

Адзначаецца, што фігуранты поўнасцю прызналі сваю віну. На іх маёмасць коштам больш за 2 млн рублёў накладзены арышт.

Работнік дзяржпрадпрыемства знаходзіцца пад вартай, хабардаўца адпушчаны пад заклад, а яго памагаты знаходзіцца пад падпіскай аб нявыездзе і належных паводзінах.