Павел Белавус апублікаваў відэа першай сустрэчы з сям’ёй пасля вызвалення
Рэдакцыя Reform.news · 24 кастрычніка 2026, 12:19
https://reform.news/be/pavel-belavus-apublikava-vidjea-pershaj-sustrjechy-z-sjam-joj-paslja-vyzvalennja/Былы палітвязень Павел Белавус апублікаваў эмацыйнае відэа першай сустрэчы з сям’ёй пасля яго вызвалення 16 верасня.
“Добра, пакажу вам, як мы сустрэліся з Кацяй і дзеткамі. Дзякуй Naviband за песню-настрой”, – напісаў ён у Facebook.
Павел Белавус — заснавальнік крамы нацыянальнай сімволікі symbal.by. У маі 2023 года яго прысудзілі да 13 гадоў пазбаўлення волі. Белавус абвінавачваўся ў здрадзе дзяржаве, арганізацыі і падрыхтоўцы дзеянняў, якія груба парушаюць грамадскі парадак, закліках да санкцый, кіраўніцтве экстрэмісцкім фарміраваннем.
Ён быў вызвалены 16 верасня 2026 года ў выніку перамоў паміж ЗША і беларускімі ўладамі і прымусова вывезены ў Літву.
Відэа: facebook.com/belavus