Падлетак праваліўся пад лёд і ўтапіўся ў Рагачоўскім раёне

Рэдакцыя Reform.news · 29 сакавіка 2026, 15:35

https://reform.news/be/padletak-pravali-sja-pad-ljod-i-tapi-sja-ragacho-skim-rajone/

У аграгарадку Балотня Рагачоўскага раёна ўтапіўся хлопец 2010 года нараджэння, паведамляе прэс-служба АСВОД.

28 сакавіка ён выйшаў з дому на прагулку і не вярнуўся. Пасля звароту сваякоў у службу выратавання пачаліся пошукі. Позна ноччу выратавальнікі выявілі ў штучным вадаёме палонку. Пры абследаванні вадаёма з дапамогай багра на глыбіні каля трох метраў, у 15–20 метрах ад берага, было знойдзена і вынята цела хлопчыка.

Па факце гібелі праводзіцца праверка, для ўстанаўлення прычын і абставін трагедыі прызначаны экспертызы.