Экс-намесніка начальніка ДВП прызналі палітвязнем

Рэдакцыя Reform.news · 14 студзеня 2026, 13:20

https://reform.news/be/jeks-namesnika-nachalnika-dvp-pryznali-palitvjaznem/

Праваабаронцы прызналі палітычнымі зняволенымі яшчэ дзевяць чалавек. Гэта Даніэль-Ландсей Кейта, Сяргей Гарун, Максім Ляўша, Анжэла Сандалюк, Сяргей Сандалюк, Мікалай Воран, Людміла Аўтушка, Яўген Малюгін і Вадзім Карпаў, паведамляе праваабарончы цэнтр «Вясна».

Яны асуджаныя па артыкулах аб масавых беспарадках і ўдзеле ў групавых дзеяннях, што груба парушаюць грамадскі парадак.

Сяргей Сандалюк — былы намеснік начальніка Дэпартамента выканання пакаранняў (ДВП) МУС. У жніўні 2024 года разам з жонкай Анжэлай яго судзілі па артыкуле аб удзеле ў дзеяннях, што груба парушаюць грамадскі парадак (ч. 1 арт. 342 КК).

Даніэль-Ландсей Кейта — удзельнік спеўнага хору і лаўрэат вакальных конкурсаў. Яго прысудзілі да двух гадоў калоніі.