У пятніцу, 8 сакавіка, у Варшаве адбудзецца прэзентацыя зборніка дэкаланіяльных тэкстаў «Карані / лісце», напісаных жанчынамі, транс і небінарнымі людзьмі з Беларусі.
Тэксты з’явіліся ў выніку пісьменніцкай лабараторыі, прысвечанай тэме дэкаланіяльнага пісьма, на якой абмяркоўвалі пытанні мовы і культуры, уплыву імперый на гістарычную памяць, а таксама рэфлексавалі над сямейнымі наратывамі.
Праца лабараторыі цягнулася апошнія паўгода і аб’яднала 50 літаратара:к, што цяпер жывуць у розных краінах.
На сустрэчы пагутараць з аўтар:камі пра пісьмо і дэкаланіяльнасць у ім, падзеляцца досведам працы лабараторыі і паслухаюць чытанне тэкстаў.
На прэзентацыі можна будзе набыць асобнік за любую камфортную для вас суму.
Акрамя новай кніжкі, дасяжнымі будуць зборнік «Расцяжэнне» і кніга Вольгі Шпарагі «У революции женское лицо» — таксама за фрыпрайс.
Частку сабраных ахвяраванняў перададуць праекту «Палітвязынка», які дапамагае беларускім жанчынам у зняволенні, а частку выкарыстаюць на падтрымку псіхалагічнага сэрвіса «Тэндар на гендар» для жанчын у крызовых сітуацыях у Беларусі.
Уваход вольны. Рэгістрацыя тут.
Дата: 8 сакавіка
Час: 19.00 (час мясцовы)
Месца: Witryna Domu Wschodniego, плошча Канстытуцыі, 6, Варшава.
Если вы нашли ошибку, пожалуйста, выделите фрагмент текста и нажмите Ctrl+Enter.
Сообщить об опечатке
Текст, который будет отправлен нашим редакторам: