За святкаваннем Купалля можна паназіраць анлайн. Фестываль беларускай традыцыі SONCAHRAJ ладзіць трансляцыю

Фестываль беларускай традыцыі SONCAHRAJ сёлета праходзіць у другі раз. Сёння, 24 чэрвеня, ён завяршаецца святкаваннем Купалля на пляжы ў польскай вёсцы Бандары.

Тых, хто не зможа наведаць свята аўтэнтычнай беларускай культуры, запрашаюць назіраць за канцэртам і фіналам святкавання з 19.00 па Варшаве.

Трансляцыя пройдзе тут. У фінальным канцэрце прымуць удзел:

• Спеўны гурт з Дубіч Царкоўных;
• «Чырвоныя Шпількі»;
• «Журавінкі» ZHRAJA;
• Капэла Алены Мялешкі (Беларусь);
• Спеўны гурт з Дабрывады;
• «Беларускі цуд» (Літва);
• Капэла «Колісьнія» (Беларусь);
• Miareža (Беларусь);
• Hajda Banda / Гайда банда.

Нагадаем, што сутнасць і галоўнае мэта фестывалю SONCAHRAJ у падтрымцы сапраўднай, аўтэнтычнай, народнай творчасці і ў прамоцыі культуры беларусаў Падляшшя.

Яго арганізатар, фонд «Тутака», рэгулярна ладзіць летам два фестывалі, прысвечаныя традыцыйнай (SONCAHRAJ) і сучаснай культуры (TUTAKA).

Падпісвайцеся на культурныя навіны Reform.by у Telegram