У Мінску пачынае дзейнічаць дыскусійны кінаклуб CLOSE UP, на сустрэчах будуць абмяркоўваць мастацтва

«Беларуская асацыяцыя фатографаў» запусціла новы праект, які павінен быў весці Уладзімір Парфянок, — паведамляецца ў сацсетках асацыяцыі.

CLOSE UP — гэта абмеркаванне фільмаў пра людзей мастацтва, лекцыі пра сучаснае мастацтва, майстар-класы і сустрэчы з творцамі.

24 студзеня ў дыскусійным кінаклубе CLOSE UP пакажуць фільм пра ўнікальнага фатографа-аматара Вівіян Маер, якая прапрацавала ўсё сваё жыццё нянечкай і займалася фатаграфіяй у вольны час. Як гэта звычайна бывае з непрызнанымі пры жыцці геніямі, скрынку з яе негатывамі купілі на блышыным рынку за 300 з лішнім даляраў. Прыгледзеліся, і аказалася, што яна-майстар найвышэйшага ўзроўню.

Дата: 24 студзеня

Час: 18.00

Месца: галерэя «Full Frame», Мінск, вуліца Прытыцкага, 10 (уваход у арцы)

Уваход вольны, але трэба зарэгістравацца.

Падпісвайцеся на культурныя навіны Reform.by у Telegram