Святочная імпрэза «Адам Міцкевіч: зорка пілігрыма» пройдзе ў Музеі гісторыі беларускай літаратуры

24 снежня адзначалася 225-годдзе з дня нараджэння вялікага паэта Адама Міцкевіча. У Навагрудку ўсклалі кветкі да яго помніка, а ў Мінску ў Музеі гісторыі беларускай літаратуры 27 снежня адбудзецца святочная імпрэза «Адам Міцкевіч: зорка пілігрыма».

Адам Міцкевіч правёў значную частку свайго жыцця ў эміграцыі, таму ў праграме імпрэзы будуць пазначаныя найбольш яркія лакацыі жыцця паэта — малыя і вялікія гарады, якія асвяціла зорка яго таленту.

Паміж імі — шлях пілігрыма, вечная дарога.

Прагучаць творы Манюшкі, Ельскага, Шыманоўскай, Ліпінскага, Голанда і інш. Не абыдзецца і без калядных сюрпрызаў!

Выступоўцы:

• Святлана Немагай — кандыдатка мастацтвазнаўства (фартэпіяна, канферанс);
• Галіна Сакольнік — лаўрэатка міжнародных конкурсаў, салістка Белдзяржфілармоніі (меца-сапрана);
• Аляксей Загорскі — лаўрэат міжнароднага конкурсу (скрыпка).

Квіткі — 15 рублёў.

Дата: 27 снежня

Час: 18.30

Месца: Музей гісторыі беларускай літаратуры, вул. Багдановіча, 13, Мінск