Мэрыем Герасіменка ладзіць музычны кватэрнік у Варшаве

У Варшаве ў клубе @scenachmielna пройдзе музычны кватэрнік MERIEM «Обіймі мене».

«Бярыце сяброў, добры настрой і прыходзьце! Збіраем неверагодных людзей разам у гэты вечар, таму ён абяцае быць вельмі ўтульным і музычным», — пішуць арганізатары.

У праграме найлепшыя кавер-кампазіцыі спявачкі, а таксама аўтарскія песні.

Дзверы клуба адчыняюцца а 19.00. Пачатак — у 20.00

Кошт квіткоў у дзень кватэрніка — 80 злотых. Колькасць квіткоў абмежаваная.

Нагадаем, што беларуская спявачка Мэрыем Герасіменка атрымала 3 гады «хатняй хіміі» за тое што выканала ў Мінску падчас свайго канцэрта песню гурта Океан Ельзи «Обійми». У пачатку 2024 года паспяхова эвакуявана з Беларусі.

Дата: 16 лютага.

Час: 20.00.

Адрас: Nowy Świat 27A, Варшава