Беларускі пісьменнік Саша Філіпенка атрымаў прэстыжную французскую літаратурную прэмію

Французскі часопіс «Transfuge» абвясціў пераможцаў сваіх літаратурных прэмій зімовага літаратурнага сезону 2024 года.

Раман «Крэмулятар» Сашы Філіпенкі быў названы «Найлепшым еўрапейскім раманам».

На прэмію часопіса разам з мясцовымі аўтарамі можна падаваць творы замежных пісьменнікаў, апублікаваных у французскіх перакладах.

Саша Філіпенка — вядомы беларускі пісьменнік, цяпер жыве ў эміграцыі. Ён аўтар раманаў «Чырвоны крыж», «Цкаванне», «Былы сын», «Задумы», «Вяртанне ў Астрог», «Крэмулятар», апавяданьняў і п’ес. Яго творы перакладзеныя больш як на 10 моваў.

Па рамане «Крэмулятар» створаны аднайменны спектакль, яго прэм’ера запланавана на 2-3 лютага ў Берліне.

Падпісвайцеся на культурныя навіны Reform.by у Telegram