Скриншот трансляции
Прэзідэнт ЗША Дональд Трамп на палях саміту G7 заявіў, што здзелка з Іранам пераходзіць на другі этап.
“Мы заключылі здзелку з Іранам. Яна павінна быць паспяховай. Яна пераходзіць на другі этап, які, як я думаю, будзе лягчэйшым”, — сказаў ён.
Трамп адкінуў чуткі пра амерыканскія інвестыцыі ў Іран.
“Мы не інвестуем ніякіх грошай у Іран. Чуткі, якія з’явіліся ўчора, проста смехатворныя. Мы маем права аднойчы ўмяшацца і зрабіць нешта, калі я ці нехта іншы захоча нешта зрабіць, але мы не ўкладваем ніякіх грошай. У нас няма ніякіх абавязацельстваў па інвестыцыях у Іран”, — дадаў ён.
Паводле яго слоў, Іран адмаўляецца ад ядзернай зброі. Ён не павінен набываць яе або распрацоўваць, а калі Тэгеран захоча гэта зрабіць, то “пацерпіць ад неверагодных наступстваў”. ЗША таксама збіраюцца атрымаць ядзерныя матэрыялы Ірана.
Прэзідэнт ЗША таксама адказаў на пытанні, якія датычацца сітуацыі вакол Лівана. Паводле яго слоў, прэм’ер-міністр Ізраіля Біньямін Нетаньяху цяпер павінен “праяўляць большую адказнасць у адносінах да Лівана”.
“Я прапанаваў Ізраілю дазволіць Сірыі разабрацца з “Хезбалой”, таму што, шчыра кажучы, я думаю, што яны справяцца з гэтым лепш”, — дадаў ён.
Ён лічыць, што здзелка з Іранам захаваецца ў выпадку, калі Ізраіль не спыніць баявыя дзеянні.
“Так, гэта магчыма. Ведаеце, я лічу, што гэта нязначная вайна, а вось у Іране — буйная”, — адзначыў Трамп.