Затрыманы падазраваны ў датычнасці да забойства мастака Скрапецкага ў Польшчы

Рэдакцыя Reform.news · 18 чэрвеня 2026, 10:51

https://reform.news/be/zatrymany-padazravany-datychnasci-da-zabojstva-mastaka-skrapeckaga-polshchy/

У Польшчы затрыманы падазраваны ў датычнасці да забойства мастака Сямёна Скрапецкага. Пра гэта паведаміў прэм’ер-міністр краіны Дональд Туск.

“Падазраваны ва ўдзеле ў забойстве расіяніна ў Бяла-Падлясцы затрыманы люблінскімі паліцэйскімі і Агенцтвам унутранай бяспекі. Ён выкарыстоўвае грузінскі пашпарт. Улады працуюць над устанаўленнем асобы злачынцы”, — напісаў ён у сетцы X.

Нагадаем, расійскі мастак, вядомы сваімі карыкатурамі на Пуціна, Лукашэнку і Кадырава, быў забіты ў панядзелак раніцай. У межах расследавання справы затрымліваліся два грамадзяніны Беларусі ва ўзросце 33 і 37 гадоў. Аднак следства ўстанавіла, што яны не маюць дачынення да злачынства. Учора стала вядома, што іх адпусцілі, дапытаўшы ў якасці сведкаў.