Расійскія ўдарныя дроны амаль тыдзень не з’яўляліся каля мяжы Беларусі з Украінай

Рэдакцыя Reform.news · 4 лістапада 2026, 18:11

https://reform.news/be/rasijskija-darnyja-drony-amal-tydzen-ne-z-ja-ljalisja-kalja-mjazhy-belarusi-z-ukrainaj/

На працягу тыдня ўздоўж украінска-беларускай мяжы не фіксавалі пралёты груп расійскіх ударных беспілотнікаў, якія да гэтага практычна штодня рухаліся ўздоўж Гомельскай вобласці, піша «Флагшток».

Напрыклад, 28 кастрычніка Паветраныя сілы УСУ 8 разоў паведамлялі пра рух груп беспілотнікаў і асобных БПЛА ўздоўж мяжы Гомельскай вобласці. Пасля гэтага наступіла паўза. Толькі 3 лістапада ўздоўж мяжы ў напрамку Кіеўскай вобласці праляцеў адзін рэактыўны беспілотнік. З таго часу падобных паведамленняў больш не паступала.

У «Флагштоку» выказалі намер высветліць, з чым можа быць звязана змяненне сітуацыі.