Вучэнні АДКБ пройдуць у Беларусі 11-16 кастрычніка

Рэдакцыя Reform.news · 3 верасня 2026, 11:23

https://reform.news/be/vuchjenni-adkb-projduc-u-belarusi-11-16-kastrychnika/

У Беларусі 11-16 кастрычніка пройдуць вучэнні пад эгідай АДКБ. На палігоне ў Лосвіда ў Віцебскай вобласці будуць трэніравацца міратворчыя сілы. Пра гэта паведаміў начальнік Аб’яднанага штаба АДКБ Андрэй Сердзюкоў.

“У сярэдзіне кастрычніка на палігоне Лосвіда ў Беларусі пройдзе камандна-штабное вучэнне з міратворчымі сіламі АДКБ “Непарушнае братэрства – 2026”. Для комплекснай адпрацоўкі міратворчых задач дадаткова прыцягваюцца падраздзяленні баявой і транспартнай авіяцыі, інжынерных войскаў, разлікі беспілотных авіяцыйных комплексаў, медыцынскі атрад спецыяльнага прызначэння, падраздзяленне пажарнага аварыйна-выратавальнага атрада “Віцязь” МНС, а таксама падраздзяленні ўнутраных войскаў і АМАП МУС Беларусі”, – сказаў ён.

Другія вучэнні АДКБ “Бар’ер-2026” пройдуць на палігоне Старадарожскі. Сумеснае фарміраванне РХБА і медыцынскага забеспячэння АДКБ адпрацуе задачы па ліквідацыі біялагічных пагроз у зоне адказнасці Калектыўных міратворчых сіл, пытанні ўдзелу сумеснага фарміравання ў мерапрыемствах калектыўнага рэагавання ў выпадку маштабнага і хуткага распаўсюджвання небяспечных інфекцыйных захворванняў.