Фото: Reform.by
У лістападзе з Беларусі ў Расію было ўвезена 4079 ужываных аўтамабіляў. Гэта ў 6,5 раза больш, чым за аналагічны месяц мінулага года. Такія даныя прыводзіць дырэктар аналітычнага агенцтва “Аўтастат” Сяргей Целікаў. Ідзе гаворка пра машыны, старэйшыя за 3 гады.
Часцей за ўсё з Беларусі ў РФ вазілі машыны BMW (1099 адзінак), Audi (330), Mercedes-Benz (285), Chevrolet (262) і Volkswagen (237). У мадэльным рэйтынгу лідарамі сталі Chevrolet Equinox (192), а таксама BMW X5 (165), BMW 3 серыі (163), BMW 5 серыі (138) і BMW X3 (132).