Фото: Gregory Culmer / Unsplash.com
Полк Каліноўскага праводзіць збор для дзяцей беларускіх добраахвотнікаў. На сабраныя сродкі будуць зроблены падарункі да Божага Нараджэння.
“Гэта дзеці тых, хто сёння абараняе свабоду Беларусі і Украіны; тых, хто вярнуўся з фронту; і тых, чые бацькі ўжо не вернуцца. Яны растуць у розных краінах свету — спакутаваныя вайной і рэпрэсіямі, але ўсе яны чакаюць Каляднага цуду.
Наша задача простая — стварыць гэты цуд для іх разам. Падарожнічаць паміж краінамі мы не можам. Але мы можам зрабіць тое, што ў нашых руках: пакласці пад ёлку падарунак, які скажа: “Мы памятаем. Мы побач”, — гаворыцца ў апісанні збору.
Мэта збору — сабраць 8300 еўра, па 100 еўра на дзіця.
Збор падтрымала прадстаўніца АПК Вольга Зазулінская.
“Полк Каліноўскага ставіць мэту сабраць 8300 €, каб усе дзеці нашых герояў атрымалі на свята маленькі, але вельмі патрэбны знак увагі. І я веру, што гэта магчыма, таму што мы ўжо неаднаразова даказвалі: беларусы ўмеюць аб’ядноўвацца там, дзе гаворка ідзе пра дабрыню і пра будучыню дзяцей”, — адзначыла яна.