Савет міністраў прыняў пастанову, якой узмацняюцца тэхнічныя патрабаванні да алкагольнай прадукцыі, што падлягае абавязковаму пацвярджэнню адпаведнасці ў форме сертыфікацыі.
Дакумент уступіць у сілу праз тры месяцы пасля апублікавання. Публікацыю пастановы можна чакаць у бліжэйшы час.
Як паведамілі ў прэс-службе ўрада, пастанова прадугледжвае:
- абмежаванне па змесце хініну і сінільнай кіслаты ў алкагольнай прадукцыі;
- абмежаванне па змесце метылавага спірту для тэкiлы і мескалю;
- забарону прымянення інгрэдыентаў, замены сартоў вінаграду або іх змешвання, калі гэта не прадугледжана дакументамі, у адпаведнасці з якімі выраблена алкагольная прадукцыя;
- забарону дадавання ў алкагольную прадукцыю этылавага спірту з непітной сыравіны, у каньякі, каньячныя напоі, брэндзі, дывіны – сінтэтычных фарбавальнікаў;
- дадатковыя тэхнічныя патрабаванні да віскі і вінаў шляхам дапаўнення пераліку дзяржаўных і міждзяржаўных стандартаў, на адпаведнасць патрабаванням якіх праводзіцца праверка пры правядзенні абавязковай сертыфікацыі.
🔥
Падтрымайце Reform.news данатам!