Фото: t.me/Koord_shtab
19 жніўня Украіна і Расія правялі чарговы абмен палоннымі праз тэрыторыю Беларусі.
Абмен прайшоў па формуле 103 на 103 пры пасярэдніцтве ААЭ, паведамляе Мінабароны Расіі.
«Цяпер расійскія вайскоўцы знаходзяцца ў Беларусі, з імі працуе ўпаўнаважаная па правах чалавека Яна Лантратава. Пасля аказання псіхалагічнай і медыцынскай дапамогі іх даставяць у Расію для рэабілітацыі ў шпіталях Мінабароны», — гаворыцца ў заяве расійскага Мінабароны.