Фото: МЧС
У Віцебску ліквідуюць наступствы абвалу грунту побач з жылым домам на вуліцы Шрадэра. Грунт абваліўся ўчора раніцай падчас правядзення земляных работ па пракладцы каналізацыйнай трубы.
На час работ жыхароў дома адсялілі.
“Праводзяцца работы па засыпанні катлавана мінералізаваным грунтам і пяском, устаноўцы жалезабетонных пліт для далейшага забівання шпунтоў”, — расказалі ў МНС.
Таксама ўжо вядуцца работы па пракладцы каналізацыйнай трубы.