Пашкоджанне ўчастка цепласеткі было выяўлена напярэдадні спецыялістамі філіяла «Віцебскія цеплавыя сеткі» на вуліцы Максіма Горкага. Дзясяткі жылых дамоў, дзіцячыя сады і вытворчыя будынкі засталіся без ацяплення і гарачай вады ў ноч з пятніцы на суботу.
Рамонтныя работы праводзіліся ў начны час. Пашкоджаны ўчастак трубаправода дэмантавалі і замянілі новым. Рамонт быў завершаны ў 08:10.
“У цяперашні час ідзе запаўненне трубаправода сеткавай вадой, пасля чаго цеплазабеспячэнне адключаных спажыўцоў будзе адноўлена”, — гаворыцца ў паведамленні.