У ветэрынарнай акадэміі ў Віцебску правялі паказальны працэс аб дэпартацыі замежнага студэнта

Рэдакцыя Reform.news · 15 студзеня 2026, 10:54

https://reform.news/be/u-vetjerynarnaj-akadjemii-vicebsku-pravjali-pakazalny-pracjes-ab-djepartacyi-zamezhnaga-studjenta/

Студэнта другога курса Дзяржаўнай акадэміі ветэрынарнай медыцыны ў Віцебску дэпартавалі за п’янае кіраванне. Паказальны працэс прайшоў у сценах ВНУ.

У лістападзе 2025 года студэнт ужыў алкаголь і вырашыў з’ездзіць па дабаўку на каршэрынгавым аўтамабілі. Па дарозе яго спынілі супрацоўнікі ДАІ. Праверка на алкатэстары паказала, што ў арганізме вадзіцеля было 1,86 праміле алкаголю, паведамляе УУС Віцебскага аблвыканкама.

Азербайджанца пазбавілі правоў і аштрафавалі на 8400 рублёў. Таксама было прынята рашэнне аб яго дэпартацыі і забароне на ўезд у Беларусь на пяць гадоў.