Памерла Таццяна Прановіч — адна з найлепшых знаўцаў антычнай літаратуры і выкладчыца журфака БДУ

Reform.news · 23 кастрычніка 2026, 15:38

https://reform.news/be/pamerla-taccjana-pranovich-adna-z-najlepshyh-zna-ca-antychnaj-litaratury-i-vykladchyca-zhurfaka-bdu/

Стала вядома пра смерць Таццяны Іванаўны Прановіч — старэйшай выкладчыцы кафедры замежнай журналістыкі і літаратуры журфака БДУ, дачкі народнага пісьменніка Беларусі Івана Чыгрынава.

Таццяна Іванаўна сама скончыла журфак у 1981 годзе і працавала ў газеце «Знамя юности», а з 1984 года выкладала на факультэце амаль 40 гадоў. Паралельна, у 1994–2007 гадах, яна працавала ў вядомай газэце для падлеткаў «Переходный возраст» — спачатку як рэдактарка стылю, а з 1998-га як намесніца галоўнага рэдактара, арганічна спалучаючы жывую журналісцкую практыку з акадэмічнай выкладчыцкай працай.

Для некалькіх пакаленняў студэнтаў яе лекцыі па антычнай літаратуры былі аднымі з найбольш бліскучых і запамінальных. На першым курсе яе пабойваліся за строгасць і бескампраміснасць, але за гэтым хавалася сапраўдная інтэлігентнасць, адкрытасць і непахісная ўнутраная годнасць.

У 2020 годзе, падчас Маршу пенсіянераў, Таццяну Іванаўну заўважылі сярод удзельнікаў акцыі. У эфіры аднаго са стрымаў яна адкрыта патлумачыла свой учынак: выйшла на марш, бо не хоча пакідаць унукам такую краіну і імкнецца выправіць памылкі свайго пакалення.

Падпісвайцеся на культурныя навіны Reform.news у Telegram