У Мінску ўсталююць 5000 зарадных станцый для электрамабіляў

Рэдакцыя Reform.news · 25 верасня 2026, 13:52

https://reform.news/be/u-minsku-staljujuc-5000-zaradnyh-stancyj-dlja-jelektramabilja/

У Мінску да 2030 года плануюць усталяваць больш за 5 тыс. зарадных станцый для электрамабіляў. Сёння на пасяджэнні Мінгарсавета разглядалася канцэпцыя развіцця зараднай інфраструктуры для электрамабіляў у сталіцы.

Станам на 1 ліпеня 2026 года ў Мінску налічвалася 1,3 тыс. зарадных станцый і больш за 30 тыс. электрамабіляў.

Канцэпцыя прадугледжвае, што станцыі магутнасцю да 44 кВт, час зарадкі на якіх складае ад дзвюх да васьмі гадзін, як правіла, усталёўваюцца ў месцах працяглай стаянкі электратранспарту: у мікрараёнах жылой забудовы, каля гасцініц, офісных будынкаў і іншых аб’ектаў грамадскага прызначэння і інш. Хуткія (да 170 кВт) з часам зарадкі ад 30 мінут да дзвюх гадзін, а таксама звышхуткія (звыш 170 кВт), якія дазваляюць зараджаць аўтамабіль за 10–20 мінут, усталёўваюцца каля транспартных вузлоў з інтэнсіўнымі транспартнымі патокамі, на АЗС, каля гандлёвых цэнтраў, на перахоплівальных паркоўках.