Фото: t.me/zav_minsk
У 16:40 у 22-й гарадской паліклініцы мінскага мікрараёна «Чыжоўка» ў кабінеце ўрача-рэфлексатэрапеўта сарвала кран з гарачай вадой. Як паведамілі ў адміністрацыі Заводскага раёна Мінска, з-за асаблівасцей столевага пакрыцця вада затапіла кабінет №216 і першы паверх будынка.
Аварыйная служба аператыўна адключыла падачу вады. Доступ грамадзян да месца затаплення быў абмежаваны, адкрыты дадатковыя ўваходы і арганізавана маршрутызацыя. Былі адключаны ліфты, камп’ютарныя сістэмы і інфармацыйныя кіёскі. Пачаты работы па ліквідацыі наступстваў.
Лячэбна-дыягнастычны працэс не спыняецца.