У Бранскай вобласці РФ пасля атакі беспілотнікаў парушаны рух цягнікоў у напрамку Гомеля

Рэдакцыя Reform.news · 10 кастрычніка 2026, 15:59

https://reform.news/be/u-branskaj-voblasci-rf-paslja-ataki-bespilotnika-parushany-ruh-cjagniko-u-napramku-gomelja/

Чыгуначныя зносіны па маршруце Бранск — Унеча — Гомель парушаныя пасля начной атакі беспілотнікаў на аб’ект чыгуначнай інфраструктуры ў Выганіцкім раёне Бранскай вобласці РФ. Пра гэта 10 кастрычніка паведаміў губернатар расійскага рэгіёна Ягор Кавальчук у сваім тг-канале.

Паводле яго слоў, аб’ект атакавалі дроны самалётнага тыпу. У выніку пашкоджана чыгуначнае палатно, што прывяло да парушэння руху цягнікоў на напрамку, які звязвае Расію і Беларусь. Так, цягнік Мінск — Адлер накіруюць у абыход пашкоджанага ўчастка — праз Смаленскі напрамак да станцыі Бранск-Арлоўскі. Па гэтым жа маршруце ён будзе ісці ў зваротны бок.

Паводле папярэдняй інфармацыі, пацярпелых няма.

Тэрміны аднаўлення руху вызначаць пасля комплекснага абследавання пашкоджанага ўчастка падраздзяленнямі РЧ, паведаміў Кавальчук.