Official White House Photo by Molly Riley
Прэзідэнт ЗША Дональд Трамп не змог з першага разу трапіць у Давос. Яго самалёт Air Force One быў вымушаны вярнуцца на аб’яднаную базу Эндрус неўзабаве пасля ўзлёту.
Паводле інфармацыі Белага дома, пасля ўзлёту ўзнікла «нязначная праблема з электраправодкай», і самалёт вярнуўся назад «з меркаванняў засцярогі». Трамп павінен скарыстацца іншым бортам для палёту ў Швейцарыю на Сусветны эканамічны форум.
Як паведамляе Fox News са спасылкай на журналістаў, якія знаходзіліся на борце, пасля ўзлёту на борце на кароткі час пагасла святло.