Official White House Photo by Daniel Torok
Больш за 10 краін далучыліся да «Рады міру», якую стварае прэзідэнт ЗША Дональд Трамп у рамках урэгулявання сітуацыі ў Сектары Газа. Пра гэта паведамляе CBS са спасылкай на крыніцу. Аднак афіцыйна пакуль абвясцілі аб далучэнні да савета ААЭ, Беларусь, Марока, Венгрыя і Канада.
Між тым Trump Suggests Board of Peace Could Supplant United Nations – Bloomberg піша, што Дональд Трамп працягне ўзначальваць раду і пасля сыходу з Белага дома. Такой інфармацыяй з агенцтвам падзяліўся амерыканскі чыноўнік. Трамп будзе займаць пасаду старшыні да сваёй адстаўкі, але будучы прэзідэнт ЗША зможа прызначыць або ўпаўнаважыць афіцыйнага прадстаўніка ЗША ў радзе.
На пытанне, ці з’яўляецца 1 мільярд долараў уступным унёскам у раду, амерыканскі чыноўнік адказаў, што не, і што краінам, якія ўносяць значны ўклад у праекты і хочуць захаваць ролю назіральніка, будзе дазволена заставацца ў ім.
Сам Дональд Трамп на прэс-мерапрыемстве, прысвечаным году яго прэзідэнцтва, заявіў, што Рада міру можа замяніць ААН.
«ААН проста не аказвала асаблівай дапамогі. Я вялікі прыхільнік патэнцыялу ААН, але яна так і не рэалізавала яго ў поўнай меры. Трэба дазволіць ААН працягваць сваю працу, таму што яе патэнцыял велізарны», — сказаў прэзідэнт ЗША.
Трамп дадаў, што хацеў бы, каб «нам не патрэбная была рада міру», але падкрэсліў, што ва ўсіх войнах, якія ён урэгуляваў, Арганізацыя Аб’яднаных Нацый ні разу яму «не дапамагла».