Скриншот видео
Прэзідэнт ЗША Дональд Трамп у інтэрв’ю FoxNews заявіў, што сустрэнецца з лідарам венесуэльскай апазіцыі Марыяй Карынай Мачада на наступным тыдні.
Вядучы праграмы Шон Хэніці спытаў Трампа, ці пагодзіцца ён сустрэцца з Мачада і прыняць Нобелеўскую прэмію міру 2025 года, калі яна ўручыць яе яму.
«Што ж, я так разумею, яна прыедзе на наступным тыдні, і я з нецярпеннем чакаю магчымасці павітацца з ёй», — адказаў ён.
Раней неўзабаве пасля арышту Нікаласа Мадуры Трамп заяўляў, што Мачада і апазіцыя не карыстаюцца папулярнасцю ў Венесуэле. Некаторыя СМІ звязвалі адмову Трампа ў падтрымцы Мачада з тым, што яна прыняла Нобелеўскую прэмію міру, прысуджаную ёй у мінулым годзе. Пазней Мачада выступіла з ініцыятывай перадаць Трампу прэмію.
«Я чуў, што яна хоча гэта зрабіць. Гэта было б вялікім гонарам», — адказаў Трамп.
У інтэрв’ю Трамп таксама пахваліў венесуэльскія ўлады, адзначыўшы, што яны далі ЗША «усё, што мы хацелі». Раней было абвешчана пра вызваленне венесуэльскіх палітвязняў. Акрамя таго, Венесуэла перадасць ЗША ад 30 да 50 млн барэляў нафты.
Трамп сёння мае намер сустрэцца з кіраўнікамі 14 нафтавых кампаній, з якімі будзе абмяркоўвацца перабудова нафтавай інфраструктуры Венесуэлы.