Фото: Wikipedia.org
У ЗША пацярпеў катастрофу стратэгічны бамбардзіроўшчык B-52. Як паведамілі на авіябазе «Эдвардс», самалёт з васьмю членамі экіпажа ўпаў неўзабаве пасля ўзлёту. Ён выконваў выпрабавальны палёт.
Усе члены экіпажа загінулі. Сярод іх былі як ваенныя лётчыкі, так і грамадзянскія служачыя, а таксама прадстаўнікі падрадчыкаў. Boeing паведаміў, што сярод загінулых былі двое супрацоўнікаў авіябудаўнічай кампаніі.
Прычыны катастрофы пакуль невядомыя, вядзецца расследаванне.
Узлётна-пасадачная паласа базы атрымала пашкоджанні, і пакуль аперацыі на ёй прыпыненыя.
Самалёты B-52 знаходзяцца на ўзбраенні амерыканскіх ВПС з 1955 года. Яны выпускаліся ў 1955–1962 гадах. З таго часу бамбардзіроўшчыкі неаднаразова мадэрнізаваліся. Яны здольныя несці ў тым ліку ядзерную зброю.