Фото: @exilenova_plus
У ноч на 11 жніўня пад расійскім Варонежам быў атакаваны лагістычны комплекс Wildberries. На кадрах, якія публікуюць відавочцы, бачна, што на складзе ўзнік моцны пажар.
“Увага! Варонеж — трывога ў сувязі з пагрозай непасрэднага ўдару БПЛА. Працуюць сістэмы апавяшчэння. Зайдзіце ў памяшканне, адыдзіце ад вокнаў. Калі ўбачылі БПЛА — адразу сыходзьце з зоны яго бачнасці і патэлефануйце па нумары 112”, – напісаў у сваім тэлеграм-канале губернатар Варонежскай вобласці Аляксандр Гусеў.
Гэта не першая спроба знішчыць склад. У ноч на 23 чэрвеня 2026 года лагістычны комплекс у сяле Аляксандраўка Новаўсманскага раёна (на мяжы гарадской рысы Варонежа) таксама быў атакаваны ўкраінскімі БПЛА, але атрымаў нязначныя пашкоджанні і працягнуў працу.