Фото: ОПК
Намеснік кіраўніцы АПК і кіраўнік НАУ Павел Латушка сустрэўся з Яраславам Чарнагорам, паслом па асаблівых даручэннях МЗС Украіны, які адказвае за ўзаемадзеянне з беларускімі дэмакратычнымі сіламі. У сустрэчы таксама прымаў удзел спікер Каардынацыйнай рады Арцём Брухан, паведамляе АПК.
Бакі разгледзелі пытанні ўзаемадзеяння па прыцягненні Аляксандра Лукашэнкі да адказнасці за здзяйсненне злачынства агрэсіі, незаконнае перамяшчэнне ўкраінскіх дзяцей-сірот у Беларусь і злачынствы супраць чалавечнасці ў дачыненні да беларускага народа.
Таксама абмяркоўваліся далейшыя крокі па ўзаемадзеянні ў пытанні ўзмацнення санкцыйнага ціску на рэжым Лукашэнкі.
Суразмоўцы надалі асаблівую ўвагу дэмакратычных сіл Беларусі да Люблінскага фармату для больш цеснага палітычнага ўзаемадзеяння з Літвой, Польшчай і Украінай.
Латушка і Брухан перадалі паслу рэзалюцыю «Аб прыярытэтах беларуска-ўкраінскага супрацоўніцтва», прынятую на канферэнцыі «Новая Беларусь», а таксама рэзалюцыю КР «Аб Круглым стале па пераадоленні палітычнага крызісу і ўмацаванні незалежнасці Рэспублікі Беларусь».