Отправка призывников в войска. Фото: Минобороны
Міністэрства абароны Беларусі пачынае адпраўку прызыўнікоў у войскі. Як паведамілі ў прэс-службе ведамства, з 23 красавіка папаўненне з ліку тэрміновай службы пачне паступаць у злучэнні і воінскія часткі.
“У першы дзень у войскі адправяцца каля 1000 прызыўнікоў. Яны папоўняць рады сіл спецыяльных аперацый, Мінскай ваеннай камендатуры, 72-га гвардзейскага Аб’яднанага вучэбнага цэнтра, 361 базы аховы і абслугоўвання, а таксама органаў памежнай службы”, – паведамілі у прэс-службе.
Усяго плануецца, што на службу прызавуць каля 10 тыс. чалавек. Для праходжання службы ў рэзерве ў гэты ж перыяд плануецца накіраваць каля 600 чалавек.
Ваенная прысяга прызначана на 23 мая.