Фото: Reform.by
Аранжавы ўзровень небяспекі надвор’я абвешчаны на суботу. 6 чэрвеня чакаюцца навальніцы, ліўні і шквалісты вецер.
“6 чэрвеня (субота) у многіх раёнах чакаюцца навальніцы, пры навальніцах месцамі — моцныя ліўні, удзень у асобных раёнах шквалістае ўзмацненне ветру з парывамі 15–20 м/с. У Мінску раніцай і ўдзень 6 чэрвеня (субота) па горадзе чакаецца навальніца, пры навальніцы месцамі па горадзе моцныя ліўні”, — гаворыцца ў папярэджанні.
Заўтра надвор’е ў Беларусі будзе вызначаць маларухомы атмасферны фронт. Чакаецца пераважна воблачнае надвор’е. Тэмпература паветра мінімальная ўначы +10… +16°С, максімальная ўдзень +18… +24°С, па ўсходзе да +28°С.