Невядомыя спрабуюць звязацца з кіраўніцай місіі беларускіх дэмсіл ва Украіне пад выглядам супрацоўнікаў СБУ

Рэдакцыя Reform.news · 22 кастрычніка 2026, 15:14

https://reform.news/be/nevjadomyja-sprabujuc-zvjazacca-z-kira-nicaj-misii-belaruskih-djemsil-va-ukraine-pad-vygljadam-supraco-nika-sbu/

Невядомыя спрабуюць выйсці на сувязь з кіраўніцай місіі беларускіх дэмакратычных сіл ва Украіне Вольгай Зазулінскай, прадстаўляючыся супрацоўнікамі СБУ, піша праваабарончы цэнтр «Вясна».

Паводле інфармацыі праваабаронцаў, чалавек пад імем «Андрэй Анатольевіч» спрабуе звязацца з Зазулінскай праз Telegram. Ён сцвярджае, што прадстаўляе інтарэсы ўкраінскага боку, і прапануе супрацоўніцтва, у тым ліку матэрыяльнае ўзнагароджанне за прадастаўленне інфармацыі.

На думку праваабаронцаў, нік акаўнта @tupikov_aa можа ўказваць на спробу выдаць сябе за Андрэя Анатольевіча Тупікава, намесніка старшыні Службы бяспекі Украіны.

Нагадаем, раней невядомыя таксама спрабавалі звязацца з дэлегатам Каардынацыйнай рады і пагражалі яму. Тады выкарыстоўваўся акаўнт Telegram з імем @rudnicki_il, якое нагадвае імя Іллі Львовіча Рудніцкага, палкоўніка СБУ.