"Герань-2", или Shahed 136. Иллюстративное фото
13 мая Расія нанесла маштабны ўдар па Украіне, зноў выкарыстаўшы тэрыторыю Беларусі і Малдовы для пралёту ўдарных беспілотнікаў, паведамляюць Паветраныя сілы Украіны.
“Асаблівасць атакі — праціўнік у чарговы раз выкарыстаў тэрыторыю Беларусі і Малдовы для пралёту ўдарных БПЛА ў бок Украіны”, — гаворыцца ў паведамленні.
Усяго за суткі расійскія войскі ўжылі больш за 892 беспілотнікі тыпаў Shahed, “Гербера”, “Італмас” і дронаў-імітараў «Пародия». Асноўны напрамак удару прыйшоўся на заходнія рэгіёны краіны. Паводле даных на 18:30, збітыя або падаўленыя 710 дронаў амаль ва ўсіх рэгіёнах Украіны.
Зафіксаваныя траплянні 27 беспілотнікаў, абломкі збітых дронаў упалі на 26 лакацыях. Атака працягваецца.