Фото: t.me/embassybel
Пасол Беларусі ў Расіі Юрый Селіверстаў сустрэўся з міністрам лічбавага развіцця, сувязі і масавых камунікацый Расіі Максутам Шадаевым. Бакі разгледзелі пытанні беларуска-расійскага ўзаемадзеяння ў сферы інфармацыйных тэхналогій, лічбавізацыі і СМІ.
Асаблівую ўвагу надалі прызнанню электроннага подпісу пры трансгранічным электронным узаемадзеянні, а таксама пытанню афармлення SIM-карт расійскіх аператараў беларускімі юрыдычнымі і фізічнымі асобамі.
Таксама было закранута пытанне змяненняў у расійскім заканадаўстве, якое рэгулюе расійскі сегмент інтэрнэту.
“Пазітыўна ацанілі выхад у эфір тэлеканала “Саюзны”, абмеркавалі напрамкі далейшага развіцця медыякампаніі Саюзнай дзяржавы і саюзных СМІ”, — заявілі ў прэс-службе беларускай дыпмісіі.