Урад зацвердзіў пералік цэнтралiзаваных культурных мерапрыемстваў

Reform.news · 21 кастрычніка 2025, 07:21

https://reform.news/be/pravitelstvo-utverdilo-perechen-centralizovannyh-kulturnyh-meroprijatij/

Пастановай №572 ад 17 кастрычніка Савет Міністраў зацвердзіў пералік міжнародных і рэспубліканскіх цэнтралiзаваных культурных мерапрыемстваў, якія праводзяцца ў Беларусі на рэгулярнай аснове. Дакумент сёння апублікаваны на Нацыянальным прававым інтэрнэт-партале і ўступае ў сілу пасля апублікавання.

Згодна з ім, мерапрыемствы, не ўключаныя ў пералік, не могуць лічыцца міжнароднымі і (ці) рэспубліканскімі цэнтралiзаванымі культурнымі мерапрыемствамі, калі яны не праводзяцца па рашэнні Савета Міністраў.

Міністэрству культуры даручана ўносіць прапановы аб уключэнні мерапрыемстваў у пералік.

У новай рэдакцыі пераліку налічваецца 76 пазіцый. Раней іх было 96. У яго ўвайшлі такія мерапрыемствы, як кінафестываль «Лістапад», фестываль «Славянскі базар у Віцебску», форум «М.art.контакт», конкурсы «Міс Беларусь», «Песня года Беларусі», шэраг нацыянальных прэмій у розных відах мастацтва, свята «Купалле» ў Александрыі, Дзень беларускай пісьменнасці і іншыя.