Польскія памежнікі затрымалі адразу дзевяць чалавек па падазрэнні ў датычнасці да кантрабанды цыгарэт з Беларусі з дапамогай метэазондаў. Пра гэта паведамілі ў Падляскім аддзеле Памежнай аховы Польшчы.
Сярод затрыманых тры грамадзяніны Польшчы, чатыры – Беларусі і два – Літвы.
Агульны кошт канфіскаваных пры гэтым цыгарэт складае больш за 620 тыс. злотых.
Плануюцца далейшыя затрыманні.
Як адзначылі ў памежнай службе, з пачатку года ў Падляскім ваяводстве ўжо затрымана 40 чалавек, датычных да кантрабанды з дапамогай метэазондаў.
🔥 Падтрымайце Reform.news данатам!